Fazilatkhon Akhmadova

Fazilatkhon Akhmadova haqida

Muloqot.Uz ijtimoiy tarmog‘ida jurnalist sifatida faoliyat yuritadi

Samarqandga sayohat!

12, 13 va 14-aprelda Muloqot.Uz ma’muriyati eng faol a’zolar bilan Samarqandga yo‘l olyapti. Muloqot.Uz O‘zbekistonning barcha viloyatlarini, hozirda Samarqandni, jalb etish maqsadida shu kabi yig‘ilishlarni o‘tkazishni rejalashtirmoqda. Nega aynan Samarqand deysizmi? Barchamizga ma’lumki, Samarqand shahri O‘zbekistonning eng qadimiy shaharlaridan bo‘lib, u bizning ijodiy rivojlanishimizga ilhom baxsh etadi. Kelgusida bu kabi yig‘ilishlar va taqdimotlar barcha viloyatlarimizda bo‘lib o‘tadi, degan umiddamiz :-)Sayohatimiz jarayonida Samarqandning 6 o‘quv muassasasida Muloqot.uz’ning taqdimoti bo‘lib o‘tadi. Biz Samarqanddagi yoshlar bilan bevosita muloqotda bo‘lamiz, ularni qiziqtirgan savollarga javob beramiz va esdalik uchun ajoyib sovg‘alar taqdim etamiz.

Sovg‘alarni ko‘rmaysizmi — Apple kompaniyasining eng yangi planshetli kompyuteri — iPad 3. Ushbu model 16-martda savdoga chiqarildi va uni Muloqot.Uz’ning a’zolaridan biri yutib olishi mumkin! Planshet sensorli Retina displey, 5 megapikselli kamera, 4G (3Gdan ham tezroq!), Wi-Fi va 16 GB xotiraga ega. Ha aytganday, Samarqandga Muloqot.Uz ma’muriyati bilan birga 4 faol a’zolarimiz ham ketishadi. Bu baxtli a’zolarimiz: Xusanbek HamidovFarrux NarimonovVironika Gavrilova va Nozimaxon Aliyeva.

Ularga “Afrosiyob” tezyurar poyezdida biz bilan birga ketish nasib etdi ;-) Barchangizni 13-aprel soat 18:00 da Samarqandning “Mehr Nur” kafesida kutib qolamiz.Yig‘ilish jarayonida Samarqanddagi faol foydalanuvchilar va barcha a’zolar bilan bevosita muloqotda bo‘lamiz, mazali taomlarni paqqos tushiramiz :-) va qiziqarli suhbat quramiz. Xullas, vaqtimizni aqlga sig‘maydigan darajada qiziqarli o‘tkazamiz. Eng asosiysi iPad 3ni eng faol a’zomizga sovg‘a qilamiz. 

“Muloqot.Uz’ning go‘zal juftligi” tanlovi

Muloqot.Uz ijtimoiy tarmog‘i o‘z a’zolarini hayratga solishdan charchamaydi. Barcha ijtimoiy tarmoqlar orasidan ajralib turishining yana bir sababi ham Muloqot.Uz’da bir-biridan qiziqarli bo‘lgan tanlovlar bo‘lib o‘tishidir. Navbatdagi “Muloqot.Uz’ning go‘zal juftligi” tanlovi o‘zining originalligi bilan ajralib turadi. Ushbu tanlov barcha go‘zal juftliklar uchun ajoyib imkoniyatdir. Tanlovning shartlari juda oson bo‘lib, ishtirokchilardan faqatgina samimiy muhabbatlarini aks ettirgan fotografiyalarini Muloqot.Uz’ga yuklashlarini talab qilinadi.

 Tanlovning ilk ishtirokchilari

Continue reading

Yulduzlar sharq go‘zallari orasida

2011-yilning 21-dekabrida “Sharq go‘zali” tanlovining taqdirlash marosimi Toshkentdagi “X-club”da bo‘lib o‘tdi. Ushbu marosim Muloqot.Uz ma’muriyati tomonidan, Ucell kompaniyasi hamkorligida o‘tkazildi. “Sharq go‘zali” tanlovining barcha ishtirokchilari va barcha faol ovoz berganlar qimmatbaho sovg‘alar bilan taqdirlandilar. Marosimda o‘zbek estradasining yorqin yulduzlari o‘zlarining ajoyib chiqishlari bilan barcha muxlislarni lol qoldirdilar. Mustafo, “Ummon”, “Shod”, “Shams”, “The Best” guruhi Muloqot.Uz’ning barcha a’zolarini o‘zlarining ajoyib kuylari va raqslari bilan hushnud etdilar. Marosim ko‘tarinki kayfiyat va iliq muhit ila o‘tdi.

Continue reading

“Muloqot.Uz” va “Kamolot” yoshlar ijtimoiy harakati

Joriy yilning 14-dekabr kuni Turkiston saroyida “Kamolot” yoshlar ijtimoiy harakati va “Muloqot.Uz” ijtimoiy tarmog‘i hamkorligida “Kamolot yulduzlari – 2011” tanlovi taqdirlash marosimi bo‘lib o‘tdi. Konsertda Toshkentning  ko`pgina universitet va institut talabalari qatnashdilar. Ayniqsa, Toshkent davlat jahon tillari universitetining o‘qituvchi va talabalari juda faol qatnashdilar. Marosimda “Kamolot “ Yoshlar ijtimoiy harakatining eng faol ishtirokchilari aniqlandi va ularga  Muloqot.Uz ijtimoiy tarmog‘i ma`muriyati tomonidan maxsus sovg‘alar topshirildi.

Muloqot.Uz ijtimoiy tarmog‘ining xodimasi Zuhra Yunusova ham “Yil jurnalisti” nominatsiyasida g‘oliblikni qo‘lga kiritdi. Sovg‘alarni O‘zbekistonda taniqli shoir, yozuvchi va boshqalar topshirdilar. Ayniqsa, “Muloqot.Uz” ijtimoiy tarmog‘ining direktori Farhod Fayzullayevning nomzodni e’lon qilishi barchani kayfiyatini ko‘tardi va “Muloqot.Uz” ijtimoiy tarmog‘ida bo‘lib o‘tayotgan tanlovlarda faol qatnashishga chaqirdi. Marosimda  Mustafo, “Marka” guruhi, Ruxshona va ko‘plab xonandalar ijro etishdi.  O‘zbek estradasining yosh va iqtidorli yulduzlari ajoyib chiqishlari bilan barcha muxlislarini lol qoldirishdi. Taqdirlash marosimi juda qiziqarli va ko‘tarinki ruhda o‘tdi. Hattoki, zaldagi muxlislar raqsga tushib, quvnoq kayfiyat ulashishdi.

“Muloqot.Uz” ma‘muriyati “Kamolot” yoshlar ijtimoiy harakati bilan hamkorlik qilganidan bag‘oyat mamnun bo‘ldi.

Muloqot.Uz ijtimoiy tarmog‘i – muloqotga kirishing!

 

Diplomatlar ham “Muloqot.Uz”da

9-noyabr kuni Muloqot.Uz jamoasi Jahon iqtisodiyoti va diplomatiyasi universitetiga o‘z taqdimoti bilan tashrif buyurdi. Taqdimot yakuniga yetganidan so‘ng bo‘lgusi iqtisodchi va diplomatlar o‘zlarini qiziqtirgan savollarni bera boshladilar; auditoriyaning o‘zida kompyuterlari va mobil telefonlari orqali Muloqot.Uz ijtimoiy tarmog‘iga kirib, ushbu tarmoq bilan yaqindan tanishib chiqdilar; Muloqot.Uz ijtimoiy tarmog‘i haqidagi fikr va mulohazalarini bildirdilar.

Jahon iqtisodiyoti va diplomatiyasi universiteti talabalari ham sovg‘asiz qolmadilar. Muloqot.Uz jamoasi tomonidan berilgan savollarga javob berib, sovg‘alarni yutib oldilar. Sovg‘alardan ta’sirlangan talabalar Muloqot.Uz jamoasiga o‘z takliflarini bildirdilar. Bo‘lajak iqtisodchi va diplomatlar uchun barcha sohadagi insonlar bilan muloqotda bo‘lish naqadar muhim ekanligini aytib o‘tishdi. Shu sababdan, ushbu tarmoq ular uchun foydali bo‘ladi, degan fikrdamiz.

Diplomat bo‘lish uchun,
Muloqot.Uz’da bo‘l doim.
Seni doim qo‘llaydi,
Muloqot.Uz — o‘zbegim sayti.

Birinchi qor, to‘qqizinchi taqdimot

tsssssss Muloqot.Uz'ning taqdimoti bo‘lyapti

8-noyabr seshanba kuni Muloqot.Uz ijtimoiy tarmog‘i Nizomiy nomidagi Toshkent Davlat pedagogika universitetida taqdimot marosimini o‘tkazdi. Universitet hodimlari va talabalari Muloqot.Uz jamoasini ochiq chehra va muloyimlik ila kutib oldilar. Bugungi uchrashuvda talabalar Muloqot.Uz ijtimoiy tarmog‘i bilan tanishdilar. Universitet talabalari taqdimotga o‘zgacha yondashdilar. O‘zlarini ijtimoiy tarmoqlar haqidagi bilimlari bilan fikr almashdilar va, doimgidek, Muloqot.Uz ma‘muriyati tomonidan sovg‘alar bilan taqdirlandilar. Ularni yanada qiziqtirgan narsa bu – Muloqot.Uz ijtimoiy tarmog‘ida bo‘lib o‘tadigan yangi tanlov bo‘ldi. Aniqrog‘i, tanlovda g‘oliblarga taqdim etiladigan sovg‘alar ularni jalb qildi.

Continue reading

Muloqot.Uz’ning navbatdagi qadami

4-noyabr kuni O‘zbekiston Milliy Universitetida Muloqot.Uz ijtimoiy tarmog‘ining navbatdagi taqdimoti bo‘lib o‘tdi. Universitetning faol talabalari Muloqot.Uz ijtimoiy tarmog‘i haqida qisqacha ma’lumotga ega bo‘ldilar. Ular ijtimoiy tarmoqlarga bo‘lgan qiziqishlarini o‘zlarining faol  ishtiroklari bilan ko‘rsatdilar. Ayniqsa, ular Muloqot.Uz ijtimoiy tarmog‘i o‘zbek tilida yaratilganligidan mamnun bo‘ldilar. Talabalarni Muloqot.Uz tarmog‘iga yanada qiziqish uyg‘onishiga sabab bo‘lgan narsa,  bu- bepul online musiqa tinglash huquqiga ega bo‘lishliklaridir.

Muloqot.Uz jamoasi talabalar bilan ijtimoiy tarmoqlar haqida fikr almashdilar, ularni qiziqtirgan savollarga javob berdilar va har doimgidek, sovg‘alar bilan taqdirladilar. Faol talabalar Muloqot.Uz jamoasi bilan o‘z g‘oyalarini baham ko‘rishdi. Kelgusida ular Muloqot.Uz ijtimoiy tarmog‘i bilan yaqindan tanishib chiqib, o‘z taklif va mulohazalari haqida ma‘muriyatni xabardor qilishlarini aytib o‘tishdi. Shuni inobatga olgan holda, Muloqot.Uz ijtimoiy tarmog‘i yanada rivojlanishga, barchaga qiziqarli bo‘ladigan sahifalar, yangiliklar kiritishga va o‘z muxlislarini ko‘paytirishga harakat qiladi.

Muloqot.Uz’ning rivojlanishi – sizning faolligingizda!

Tanlov g‘oliblarining taqdirlash marosimi

2011-yilning 28-oktabrida CineStar3D kinoteatrida Muloqot.Uz ijtimoiy tarmog‘ida o‘tkazilgan “Eng qiziqarli fotografiya” tanlovi g‘oliblarining taqdirlash marosimi bo‘lib o‘tdi. Ushbu marosimga tanlov ishtirokchilari — Muloqot.Uz ijtimoiy tarmog‘ining a’zolari tashrif buyurishdi. Muloqot.Uz ma’muriyati barcha mehmonlarni ochiq chehra bilan kutib oldilar. Vanihoyat, g‘oliblar intiqlik bilan kutgan sovg‘alarini qabul qildilar. Barchaga ma’lum bo‘lganidek, Muloqot.Uz ijtimoiy tarmog‘ining a’zolari 10 ta ishtirokchining fotografiyasini “Eng qiziqarli fotografiya” deb hisoblaganlar va ushbu fotografiyalarga ovoz berganlar. Boshqa fotografiyalarni ham e’tiborsiz qoldirmagan holda, Muloqot.Uz ma’muriyati yana 5 ta fotografiyani tanlab olib, ularga ham sovg‘alar taqdim etdi.

Continue reading

Muloqot.Uz’ning ikkinchi Fazilati

Men Fazilatxonman — osmondagi oy emas,
Men go‘zal emasman, lekin yoqimtoyman,
Men latofatli emasman, balki  shaddodroqman,
Men adashmayman — arzimagan xato qilaman,
Men g‘iybat qilmayman — fikrimni bildiraman,
Men aldamayman — ishontira olaman,
Men balandparvoz emasman — faqat jiddiyroqman,
Men malika emasman — lekin bo‘la olaman.

Men men men men men men men men men men men men —
Oddiygina qizaloqman.

Yo‘q, yo‘q, yo‘q oddiy emasman, balki Muloqot.uz’ning bir bo`lagiman
Va barcha hamkasblarga minnatdorman.
Meni ochiq chehra ila kutib olishdi, mehrlari bn isitishdi,
Yaqindan yordam berishdi, o‘z saflariga qo‘shishdi.
Hayotda bor shunday odamlar, ko‘ngli butun quvnoq insonlar.
Borligiga shukr qilaman, borimni ishga bag‘ishlayman,
Sizlarga ham yordam beramiz, savollarga javob beramiz,
Keling, kiring siz ushbu saytga, muloqotda bo‘ling har vaqtda
Muloqot.Uz — o‘zbegim sayti, sizni yolg‘iz qoldirmas hecham
Do‘stlashing, o‘ynang, kuling, doim muloqotda bo‘ling!